اسلام آبا د(این این آئی)پاکستان تحریک انصاف کے رہنما فوادچوہدری نے آرمی چیف جنرل عاصم منیر اور وفاقی وزیر خزانہ اسحاق ڈار سے ملنے والی بزنس کمیونٹی پرتنقید کرتے ہوئے کہا ہے کہ شہباز اور ڈار کی کوئی حیثیت نہیں، اصل حکومت اسٹیبلشمنٹ کی ہے۔ اپنے بیان میں فواد چوہدری نے کہا کہ یہی تاجر برادری ان کی حکومت گرانے میں شامل تھی، یہ لوگ صرف اپنے مفاد کو سامنے رکھتے ہیں، یہ جنرل باجوہ کوبھی کہتے تھے کہ لٹ گئے، مرگئے، برباد ہوگئے، یہ کردیں وہ کردیں، ان کاروباری افراد کے بیک گرانڈ چیک ہونے چاہیے۔ انہوں نے کہا کہ اس ملک میں اصل حکومت اسٹیبلشمنٹ کی ہے، وزیراعظم شہبازشریف اور اسحاق ڈار کی کوئی حیثیت نہیں ، یہ اپنی مرضی سے پانی بھی نہیں پی سکتے۔