لاہو ر(این این آئی) یوٹیلیٹی سٹورز پر درجنوں برانڈڈ اشیا کی قیمتوں میں اضافہ کر دیا گیا۔جاری کردہ نوٹیفکیشن کے تحت دودھ، شیمپوز، صابن، سرف، کیچپ، نوڈلز اور ڈائپرز سمیت درجنوں اشیاء مہنگی کی گئی ہیں۔نوٹیفکیشن کے مطابق برانڈڈ کارن آئل کی فی لیٹر قیمت میں 300روپے تک اضافہ کرکے آئل کی

فی لیٹر قیمت 1170روپے کر دی گئی۔بچوں کے 800گرام فارمولا مِلک کی قیمت 820روپے تک بڑھا کر 4ہزار 445روپے کر دی گئی، 330 گرام سیریل 450روپے تک مہنگا ہوکر 1198روپے ہوگیا، ایک لیٹر فروٹ جوس 70روپے تک مہنگا ہوا، 336گرام نوڈلز 60روپے تک مہنگی ہوکر 425روپے کی ہوگئی۔نوٹیفکیشن کے مطابق 800گرام کیچپ کی قیمت میں 50روپے تک اضافہ کیا گیا، 650ملی لیٹر شیمپوکی قیمت میں 210 روپے تک اضافہ ہوا، ایک کلو کپڑے دھونے کا پاؤڈر 59 روپے تک مہنگا ہوگیا، 130گرام صابن 30 روپے، ہینڈ واش 21 روپے، ٹوائلٹ رول 10 روپے، ٹشو پیپرکا ڈبہ 43 روپے تک مہنگا ہوگیا۔ نوٹیفکیشن کے مطابق باڈی واش 400 ملی گرام 42 روپے، چلی گارلک ساس 50روپے مہنگا ہوا،بچوں کے ڈائپرز کی قیمتوں میں 350روپے تک کا اضافہ ہوا۔یوٹیلیٹی اسٹورز پر۔قیمتوں میں اضافے کا اطلاق فوری طور پر لاگو ہوگا۔