اسلام آباد (این این آئی) حکومت نے بے نظیر انکم اسپورٹ پروگرام میں شامل گھرانوں کو یوٹیلیٹی اسٹورز کے ذریعے سبسڈی دینے کا فیصلہ کیا ہے۔حکومت نے مستحق گھرانوں کو یوٹیلیٹی اسٹورز کے ذریعے ٹارگٹڈ سبسڈی دینے کا فیصلہ کیا ہے،

اور اس حوالے سے وفاقی کابینہ نے منظوری دے دی ہے۔سبسڈائزڈ اشیا صرف بے نظیر انکم سپورٹ پروگرام سے رجسٹرڈ خاندانوں کو دی جائیں گی، اور اس پیکیج سے بے نظیر انکم سپورٹ کے 8لاکھ سے زائد افراد کو سہولت حاصل ہوگی۔یوٹیلیٹی اسٹورز پر بے نظیر انکم اسپورٹ پروگرام سے رجسٹرڈ افراد کے لئے چینی 70روپے فی کلو، 10کلو آٹا 400روپے جبکہ گھی 300روپے میں دستیاب ہوگیا۔دوسری جانب عام شہریوں کے لئے یوٹیلیٹی اسٹورز پر گھی، آٹے اور چینی کی قیمتیں مزید بڑھا دی گئی ہیں۔یوٹیلیٹی اسٹورز پر اب عام شہریوں کو گھی 75روپے فی کلو، چینی 19روپے فی کلو اور 10کلو آٹے کا تھیلا 248روپے مہنگا ملے گا۔قیمتوں میں اضافے کے بعد اب عام شہریوں کو چینی 89روپے فی کلو،گھی 375 روپے کل اور آٹے کا دس کلو کا تھیلا 648 روپے میں دستیاب ہوگا۔