مظفرآباد(این این آئی)آزاد کشمیر کے سیاحتی مقام پیرچناسی میں پھنسنے والے تمام 233 سیاحوں کو ریسکیو کرلیا گیا۔کمشنر مظفرآباد مسعود الرحمان کے مطابق پیرچناسی میں پھنسے تمام 233سیاحوں کو بحفاظت ریسکیو کرلیا گیا،سیاحوں کو سراں ٹورسٹ ریسٹ ہاس میں پہنچا دیا گیا ہے، ایس ڈی ایم اے، ریسکیو، مظفرآباد جیپ کلب کے رضاکاروں نیاپنی گاڑیوں پرلوگوں کو ریسکیو کیا۔انہوں نے کہا کہ تمام سیاحوں کو ان کی رہائش گاہوں پر پہنچا دیا جائیگا، مقامی رہائشی آبادی نیریسکیو آپریشن میں بھر پور مدد کی،سیاحوں کو کھانا،گرم مشروبات فراہم کیے جا رہے ہیں، زیادہ تر سیاحوں کا تعلق کراچی سے ہے۔خیال رہے کہ مسافروں کی گاڑیاں برفباری کے بعد پھسلن کے باعث پھنسی تھیں۔