اسلام آباد (این این آئی)اقتصادی رابطہ کمیٹی نے ایک لاکھ میٹرک ٹن چینی برآمد کرنے کی منظوری دیدی۔ جمعرات کو وفاقی وزیر خزانہ وریونیو سینیٹر محمد اسحاق ڈار کی زیر صدارت کابینہ کی اقتصادی رابطہ کمیٹی (ای سی سی)کا اجلاس ہوا۔اجلاس میں وفاقی وزیر تجارت سید نوید قمر، وفاقی وزیر برائے نیشنل فوڈ سیکیورٹی اینڈ ریسرچ طارق بشیر چیمہ،
وزیر مملکت برائے خزانہ و محصولات ڈاکٹر عائشہ غوث پاشا، وزیر مملکت برائے پیٹرولیم مصدق مسعود ملک، ایس اے پی ایم برائے خزانہ طارق باجوہ، ایس اے پی ایم برائے ریونیو طارق محمود پاشا، وزیر اعظم کے کوآرڈنیٹر برائے تجارت و صنعت رانا احسان افضل، وزیر اعظم کے کوآرڈنیٹر برائے معیشت بلال اظہر کیانی، وفاقی سیکرٹریز، سینئر افسران اور پی ایس ایم اے کے عہدیداران نے اجلاس میں شرکت کی۔ ای سی سی نے مالی سال 2022-23 کے دوران چینی کی برآمد سے متعلق وزارت نیشنل فوڈ سیکیورٹی اینڈ ریسرچ کی سمری پر غور کیا اور اس کی منظوری دی اور ایک لاکھ میٹرک ٹن چینی کی برآمد کی اجازت دی۔ مزید فیصلہ کیا گیا کہ ای سی سی صورت حال کا پندرہ روزہ بنیادوں پر جائزہ لیگی۔ ای سی سی نے ہدایت کی اور پی ایس ایم اے نے عزم کیا کہ چینی کی موجودہ قیمت کم از کم 31جنوری 2023 تک مقامی مارکیٹ میں نہیں بڑھے گی۔ ای سی سی نے درج ذیل تکنیکی سپلیمنٹری گرانٹس کی بھی منظوری دی جس میںوزارت موسمیاتی تبدیلی کیلئے 7ملین، وزارت ہاسنگ اینڈ ورکس کی ترقیاتی سکیموں پر عمل درآمد کیلئے 743.57ملین روپے کی منظوری دی ۔
