مری (این این آئی)مری کے علاقے لوئر ٹوپہ کے قریب ہوٹل میں 4 افراد بے ہوشی کی حالت میں پائے گئے۔ریسکیو ذرائع کے مطابق 3 افرادہسپتال پہنچ کر دم توڑ گئے، ایک کی حالت تشویشناک ہے۔ذرائع نے بتایاکہ چاروں افراد ہوٹل کے کمرے میں نیم بیہوشی کی حالت میں پائے گئے تھے۔سی پی او راولپنڈی شہزاد ندیم نے مری میں 3افرادکے جاں بحق ہونے کی تحقیقات کا حکم دیتے ہوئے رپورٹ پیش کرنے کی ہدایت کی ہے۔ترجمان راولپنڈی پولیس کے مطابق مقامی پولیس اطلاع موصول ہونے پر موقع پر موجود ہے، واقعے کی تحقیقات جاری ہیں اور موقع سے شواہد اکھٹے کیے جا رہے ہیں۔پولیس ترجمان نے کہا کہ لاشوں کو پوسٹ مارٹم کیلئے ہسپتال منتقل کر دیا گیا ہے، پوسٹ مارٹم اور دیگر فارنزک شواہدکی روشنی میں وجہ موت کی تعین ہو سکے گا۔

موضوعات:ہوٹل