لندن (این این آئی)انگلینڈ کے سابق کپتان ناصر حسین نے قومی ٹیم کے کپتان بابر اعظم اور وکٹ کیپر بیٹر محمد رضوان کی اوپننگ جوڑی بیٹر شان مسعود کے ساتھ بنائی جانے کی تجویز دی ہے۔کرکٹ ویب سائٹ کے مطابق کئی ریکارڈ توڑنے اور ڈومیسٹک لیگ میں بہترین کارکردگی کے بعد لیفٹ ہینڈ بیٹر کی قومی ٹیم میں واپسی ہوئی ہے تاہم اس کے باوجود شان کو چوتھے نمبر پر رکھتے ہوئے بابر اور رضوان سے اوپننگ کروائی گئی۔کانٹی چیمپئن شپ اور ڈربی شائر کے دوران شان مسعود کو جانچنے والے ناصر حسین نے کہا کہ شان مسعود ایک فنشر نہیں بلکہ وہ ایک اوپننگ بلے باز ہے، شان مسعود کو نمبر 4 پر بیٹنگ کے لیے بھیجاگیا جس کی میرے نزدیک کوئی منطق نہیں کیونکہ اس وقت صرف 5 اوور باقی تھے۔