اسلام آباد(آن لائن) پی ٹی آئی رہنماء شہباز گل کے موبائل فون ڈیٹا سے ایسے خوفناک انکشافات سامنے آئے ہیں جو ان کے خلاف بغاوت کا مقدمہ درج کرانے کے لیے کافی ہیں۔ جب کہ اس مسئلے پر تحریک انصاف میں پھوٹ بھی پڑ گئی ہے۔ ذرائع کے مطابق
ابتدائی تفتیش میں پاکستان اور ملکی اداروں کے خلاف لکھا گیا سارا سکرپٹ بے نقاب ہوگیا ہے۔ملکی ایجنسیوں کو موبائل فون ڈیٹا سے ملنے والی معلومات کے مطابق عمران خان کے احکامات،پارٹی رہنماؤں کو ہدایات اور ایک چینل کے مالکان سے رابطے کی تفصیل مل گئی ہے جبکہ پیمرا کے شوکاز نوٹس میں بھی بغاوت کے مقدمے کے لیے کافی مواد موجود ہیاور وزیرداخلہ رانا ثناء اللہ اس کا ذکر بھی کر چکے ہیں۔ اگرچہ پولیس کی چھ رکنی تحقیقاتی ٹیم بنائی گئی ہے لیکن ابتداء میں ملنے والی معلومات ظاہر کر رہی ہیں کہ شہباز گل نے ریڈ لائن کراس کی۔ان کی کھلی گفتگو بھی ایک ایف آئی آر کا درجہ رکھتی ہے علاوہ ازیں شہباز گل سے ایک امریکی گرین کارڈ بھی برآمد ہوا ہے جس میں ان کا نام شہباز کی بجائے شبیر درج ہے اس سے بھی ثابت ہوتا ہے کہ امریکہ کو گالیاں دینے والے کی حقیقت کیا ہے۔دوسری جانب معلوم ہوا ہے کہ پی ٹی آئی سیاسی کمیٹی کے اہم ارکان شہباز گل کے بیانیے سے متفق نہیں اور اسی لیے اسد قیصر،شاہ محمود اور فیصل واڈا سیاسی کمیٹی کے اجلاس میں نہیں آئے۔جبکہ وزیر اعلی پرویز الہیٰ نے تو کھل کر کہہ دیا ہم پاک فوج کے ساتھ ہیں اور تحریک انصاف شہباز گل سے سے لاتعلقی کا اعلان کرے۔
