اسلام آباد (آن لائن) ایشیائی ترقیاتی بینک (اے ڈی بی) کا کہنا ہے کہ گزشتہ 6 ماہ میں پاکستان میں مہنگائی 12 سے بڑھ 21 فیصد ہوگئی ہے۔ میڈیا رپورٹ کے مطابق ایشیائی ترقیاتی بینک (اے ڈی بی) بینک نے جنوری تا جون معاشی اعداد و شمار جاری کر د ئیے جن کے مطابق پاکستان میں شرح منافع 5.25 فیصد بڑھی ہے۔

رپورٹ کے مطابق مہنگائی اور عالمی معاشی حالات ایشیاء کو متاثر کر سکتے ہیں، گزشتہ 6 ماہ میں پاکستان میں مہنگائی 12 سے بڑھ 21 فیصد ہو گئی ہے۔اے ڈی بی کی رپورٹ میں کہا گیا ہے کہ گزشتہ 6 میں مہنگائی سری لنکا میں 14 سے بڑھ کر 45 فیصد اور بھارت میں 5.7 سے بڑھ کر 7 فیصد ہو گئی۔رپورٹ میں بتایا گیا ہے کہ گزشتہ 6 ماہ میں مہنگائی بنگلا دیش میں 6.1 سے بڑھ کر 7.4 فیصد، چین میں 1.5 سے بڑھ 2.5 فیصد اور تھائی لینڈ میں 2.2 سے بڑھ کر 7.7 فیصد ہو گئی۔ رپورٹ کے مطابق گزشتہ 6 ماہ میں سری لنکا میں شرح منافع 9.5 فیصد، بھارت میں 0.9 فیصد اور بنگلا دیش میں 0.7 فیصد بڑھی ہے۔اے ڈی بی کی جانب سے جاری کردہ اعلامیے کے مطابق رواں مالی سال پاکستان کی اقتصادی ترقی کی شرح چار فیصد رہنے کا امکان ہے ۔ اعلامیے کے مطابق مشرقی ایشیاء کی شرح نمو کی پیش گوئی رواں سال کے لیے 4.7 فیصد سے کم کر کے 3.8 فیصد کر دی گئی ہے۔شرح نمو میں کمی کی وجہ سری لنکا کا معاشی بحران اور بھارت کی سخت مالی پالیسی ہے۔رواں سال کے لیے جنوبی ایشیاء میں ترقی کی شرح 4.9 فیصد سے بڑھ کر 5 فیصد ہونے کی توقع ہے۔شرح نمو میں اضافے کی وجہ کورونا وائرس کے بعد سرحدوں کا کھلنا اور پابندیوں کا خاتمہ ہے۔ اعلامیہ کے مطابق وسطی ایشیائ کے لیے ترقی کی شرح 3.6 فیصد سے بڑھ کر 3.8 فیصد رہنے کا امکان ہے۔وسطی ایشیاء میں اگلے سال ترقی کی شرح 4 فیصد سے بڑھ کر 4.1 فیصد ہو سکتی ہے۔