لاہور( این این آئی) پاکستان تحریک انصاف کے مرکزی رہنما شہبازگل نے کہا ہے کہ مجھے جان بوجھ کر ایسی حوالات میں رکھا گیا جہاں انتہائی گندگی تھی ، مجھے حوالات میں رکھنے کے بعد کیمرا بھی لگایا گیا تاکہ نظر رکھی جا سکے حوالات میں کئی روز پرانا کھانا بھی پڑا ہوا تھا ۔

یہ سب مجھے تنگ کرنے کیلئے کیا گیا ۔ایک انٹر ویو میں انہوں نے کہا کہ جب ہمیں حکومت سے نکالا جا رہا تھا اس وقت کیا ہوتا رہا سب دیکھا ،ہمیں حکومت سے نکالنے سے 15 دن پہلے کیا ہوتا رہا وہ بھی دیکھا ،یہ بھی دیکھا کہ کون ہمیں یقین دہانی کراتے رہے بعد میں ساتھ چھوڑ دیا۔دوسری جانب تحریک انصاف کے مرکزی رہنما اسدعمر نے کہا ہے کہ ضروری نہیں کہ پنجاب میں حکومت بناتے ہی اسمبلی تحلیل کر دیں ،پنجاب میں حکومت بنانے کے بعدبھی صورتحال دیکھی جاسکتی ہے۔ایک انٹر ویو میں انہوں نے کہا کہ پرویزالٰہی ہمارے اتحادی ہیں ان سے بھی مشاورت ہو رہی ہے شہبازشریف استعفیٰ دینا چاہتے ہیں تو ضرور دیں ،جب شہباز شریف استعفیٰ دیں تو انہیں پنجاب اور خیبر پختوانخواہ مں پی ٹی آئی سے لڑنا پڑے گا۔اسدعمر نے کہا کہ پی ڈی ایم اسلام آباد میں رہ گئی صوبوں میں توان کے پاس اختیار نہیں ،شہباز شریف کیا صرف اسلام آباد میں بیٹھیں گے؟ وہ بھی الیکشن چاہیں گے ،سیاسی طور پر تو ہم کہیں گے کہ اچھا ہے انہیں چلنے دیں ملبہ ان پر گرے لیکن ہم سیاسی فائدہ نہیں دیکھ رہے ملک کیلئے شفاف الیکشن چاہتے ہیں۔