اسلام آباد (این این آئی) پاکستان تحریک انصاف کے رہنما شہباز گل نے احسن اقبال کی پریس کانفرنس کا ردعمل دیتے ہوئے کہا ہے کہ ان کی پہلی نسل پاکستان بننے کے خلاف تھی۔میڈیا سے گفتگو کرتے ہوئے انہوں نے کہاکہ احسن اقبال نے تہذیب اور تربیت پر بات کی
یہ ہر چیز کا کریڈٹ لینے کی کوشش کرتے ہیں یہ بتائیں محترمہ بینظیر بھٹو کی تصویر کس نے ہیلی کاپٹر سے پھینکی اور نصرت بھٹو کی تصاویر بھی پھنکوائی گئی کیا گلوبٹ کی تربیت عمران خان نے کی تھی؟۔انہوں نے کہا کہ رانا ثنا اللہ اور نوازشریف کے کہنے پر خواتین پر گولیاں چلائی گئی تھیں کیا گولیاں چلانے کی تربیت عمران خان نے کی تھی؟شہباز گل نے کہا کہ بہاولپور کی بچی سوال پوچھ رہی تھی غیرت سے عاری کون لوگ ہیں؟ فیصل آباد میں 10 سال کے بچے کو پکڑوایا گیا اب احسن اقبال نے پریس کانفرنس میں تہذیب اور تربیت پر بات کی۔پی ٹی آئی رہنما نے کہا کہ خواتین اور بچوں نے احسن اقبال کیلئے چورچور کے نعرے لگائے یہ ماڈل ٹاؤن میں قتل عام کیا گیا تھا کیا اس پر کیا کہیں گے؟ فیصل آباد میں ہمارے کارکن کو گولیاں مار کر شہید کیا گیا۔شہباز گل نے کہا کہ آپ لوگوں میں بہت منافقت ہے آپ لوگوں کو چائے چھوڑنے کا کہہ رہے ہیں اور خود برگر کھانے چلے گئے یہ سچ بولنے میں غصے والی کیا ہے لوگوں نے آپ کے بارے میں سچ کہا کیا آپ کے سارے گندے کھیل کی تربیت بھی عمران خان نے کی؟
