برسلز (این این آئی)14یورپی ممالک کی وزرات خارجہ نے ایک مشترکہ بیان جاری کیا، جس میں اسرائیل سے مطالبہ کیا گیا کہ وہ مقبوضہ مغربی کنارے میں نئی بستیوں کی تعمیر کا اپنے فیصلہ واپس لے۔میڈیارپورٹس کے مطابق بیان میں یورپی ممالک نے مغربی کنارے میں تقریبا 4000 نئے سیٹلمنٹ یونٹس کی تعمیر کے نام نہاداسرائیلی سول انتظامیہ کے منصوبے کے فیصلے پر اپنی گہری تشویش کا اظہار کیا۔بیان جسے بیلجیئم کی وزارت خارجہ نے اپنے ٹوئٹر اکائونٹ پر شائع کیا تھا پر فرانس، بیلجیم، ڈنمارک، فن لینڈ، جرمنی، یونان، آئرلینڈ، اٹلی، لکسمبرگ، مالٹا، نیدرلینڈز، ناروے، اسپین اور سویڈن نے دستخط کیے ہیں۔بیان میں کہا گیا کہ ہم اسرائیلی حکام سے مطالبہ کرتے ہیں کہ وہ اس فیصلے کو واپس لے، کیونکہ یہ نئے ہاسنگ یونٹس دو ریاستی حل کی راہ میں ایک اضافی رکاوٹ بنیں گے اور یہ بین الاقوامی قانون کی کھلی خلاف ورزی ہے۔

موضوعات:یورپی ممالک