اسلام آباد (این این آئی)وزیراعظم عمران خان کا تین روزہ دورے پرچین پہنچنے پر تپاک استقبال کیا گیا۔چینی قیادت کی خصوصی دعوت پر وزیراعظم عمران خان ایک اعلی سطحی
وفد کے ہمراہ 4 روزہ سرکاری دورے پر بیجنگ، چین پہنچے تو چین کے سفیر H.E Wu Jieاور چین میں پاکستان کے سفیر H.E معین الحق اور چین کے نائب وزیر خارجہ وو جیا نگاہو نے وزیر اعظم کا ہوائی اڈے پراستقبال کیا۔وزیر اعظم(2022 Beijing Winter Olympics)کی افتتاحی تقریب میں شرکت کے علاوہ H.E صدر شی جن پنگ اور H.E وزیر اعظم لی کی چیانگ کے ساتھ دو طرفہ امور پر ملاقاتیں کریں گے۔ ان ملاقاتوں میں دونوں برادر ممالک کے مابین خصوصا CPEC فریم ورک کے تحت تجارتی اور اقتصادی تعاون کو فروغ دینے سے متعلق امور پر تبادلہ خیال کے ساتھ ساتھ اہم علاقائی اور بین الاقوامی امور زیر بحث آئیں گے۔اس موقع پر وزیراعظم چین کے ممتاز کاروباری رہنماؤں، سرکردہ تھنک ٹینکس، دانشوروں اور میڈیا کے نمائندوں سے آن لائن ملاقاتوں کے علاوہ دیگر اہم دو طرفہ ملاقاتوں میں بھی شریک ہوں گے۔
