لاہور (این این آئی) سرکاری ملازمین کی ریٹائرمنٹ پراسیس دو سال میں حل کرنے کی حد مقرر کرنے کا فیصلہ کیا گیا ہے پنجاب اسمبلی میں پیش کردہ مجوزہ بل میں سرکاری ملازمین کی ریٹائرمنٹ پراسیس دو سال میں حل کرنے کا حد مقرر کیا گیا ہے، ریٹائرڈ ملازمین سے متلعق دوسال میں کاروائی مکمل نہیں ہوتی تو مجازاتھارٹی مدت ملازمت میں توسیع کرسکے گی۔سرکاری ملازمین سے متعلق اہم ترمیمی بل پنجاب اسمبلی اسینڈنگ کمیٹی کے پاس پہنچ گیا، پنجاب ایمپلائزایفیشینسی، ڈسپلن اینڈ اکاونٹیبلٹی ترمیمی بل2025ء پنجاب اسمبلی میں پیش ہوچکا۔

بل کے تحت ریٹائرڈ سرکاری ملازمین کیخلاف کارروائی سے متعلق قانون میں اہم ترمیم منظور کی جائیں گی۔بل کے متن کے مطابق مجاز اتھارٹی تحریری وجوہات کے ساتھ کارروائی کی مدت میں توسیع کرسکے گی، بل کا مقصد ریٹائرڈ ملازمین کیخلاف زیرالتواء انکوائریوں کے لئے حد مقررکرنا ہے، عدالتی فیصلوں کے باعث ختم ہونے والی کارروائیوں کا مسئلہ حل ہوسکے گا۔پنجاب اسمبلی کی اسٹینڈنگ کمیٹی ریٹائرڈ ملازمین کے قوانین کے بل پر سفارشات مرتب کریگی، کمیٹی کے منظور کرنے پر بل کو پنجاب اسمبلی میں منظوری کے لئے پیش کیا جائے گا ۔ اسمبلی منظوری کے بعد ترمیمی بل 2025ء فوری طور پر نافذ العمل ہوگا۔