اسلام آباد (نیوز ڈیسک)ایران کی پاسدارانِ انقلاب نے دعویٰ کیا ہے کہ انہوں نے اسرائیلی وزیراعظم بن یامین نیتن یاہو کے دفتر کو نشانہ بنایا ہے۔
اس دعوے کے بعد اسرائیلی حکام نے تصدیق کی کہ حملہ ضرور ہوا، تاہم اس میں کوئی جانی نقصان نہیں ہوا۔ایرانی پاسدارانِ انقلاب گارڈز کی جانب سے جاری بیان میں کہا گیا کہ کارروائی کے دوران اسرائیل کی فضائیہ کے ہیڈکوارٹر کو بھی میزائلوں سے نشانہ بنانے کی کوشش کی گئی۔ اسرائیلی اخبار ٹائمز آف اسرائیل نے بھی اس دعوے کا حوالہ دیا ہے۔فارس نیوز ایجنسی کے مطابق ایران نے ان حملوں میں خیبر نامی میزائل استعمال کیے۔
ایرانی اعلامیے میں کہا گیا کہ کارروائی صہیونی حکومت کے وزیراعظم کے دفتر کو ہدف بنا کر کی گئی، تاہم نیتن یاہو کی موجودہ صورتحال یا ان کے بارے میں مزید تفصیلات فراہم نہیں کی گئیں۔دوسری جانب ایران نے مشرقِ وسطیٰ میں موجود امریکی تنصیبات پر بھی میزائل حملوں کا اعلان کیا ہے۔ ایرانی حکام کے مطابق بحرین، عراق، متحدہ عرب امارات اور کویت میں واقع چھ امریکی فوجی اڈوں کو نشانہ بنایا گیا۔
