لاہور (این این آئی)سوشل سکیورٹی سے رجسٹرڈ مریم نواز راشن کارڈ نہ رکھنے والے محنت کشوں کے لیے خوشخبری ہے کہ وہ بھی ماہِ رمضان میں 10 ہزار روپے حاصل کر سکتے ہیں۔

بنک آف پنجاب نے 10 ہزار روپے حاصل کرنے کا طریقہ کار وضع کر دیا ہے اور محنت کشوں کو چھ ہندسوں پر مشتمل ایک پن کوڈ بھیج دیا گیا ہے۔ محنت کش اپنا پن کوڈ اور شناختی کارڈ ہمراہ رکھیں اور اپنے گھر یا صنعتی یونٹ کے قریب HBL Konnect، UBL Omni اور Alfa Pay کے ایجنٹ کے پاس جائیں اپنا خفیہ پن کوڈ بتائیں اور بائیو میٹرک تصدیق کے بعد فوری طور پر 10 ہزار روپے وصول کریں۔ 10 ہزار روپے پر کسی بھی قسم کی کٹوتی نہیں ہے، لہٰذا پوری رقم وصول کریں۔

وزیر اعلیٰ پنجاب مریم نواز کے رمضان نگہبان پیکج کے تحت 10 ہزار روپے براہِ راست محنت کشوں کے اکاؤنٹس میں منتقل کیے گئے ہیں۔ ترجمان پیسی کے مطابق صوبہ بھر میں پنجاب سوشل سکیورٹی سے رجسٹرڈ 12 لاکھ سے زائد محنت کشوں کو 10 ہزار روپے نقد دیے جا رہے ہیں۔