کوئٹہ (آن لائن )پاکستان ڈیموکریٹک موومنٹ کے مرکزی صدر مولانا فضل الرحمن نے ایک صحافی کی جانب سے اسد عمر کی جانب سے پی ڈی ایم کی قیادت کی اسلام آباد دھرنے میں شامل افراد پر لاٹھی چارج کے حوالے سے متعلق سوال کے جواب میں کہاکہ اسد عمر بڑھکیں نہ
مارے پی ڈی ایم نے فیصلہ کیا تو ہمیں اسلام آباد آنے سے کوئی نہیں روک سکتا ۔ قبل ازیں پاکستان ڈیموکریٹک موومنٹ کے مرکزی صدر مولانا فضل الرحمن نے بلوچستان یونیورسٹی کے لاپتہ 2طالبعلموں کے حوالے سے پوچھے گئے ایک سوال کے جواب میں کہا کہ یہ صرف بلوچستان کا مسئلہ نہیں بلکہ پورے ملک میں دینی مدارس تعلیمی اداروں سے طالبعلموں کو اٹھایا جارہاہے اگر یہ طالبعلم واقعی ملک دشمن عناصر کے ساتھ ملے ہوئے ہیں تو عدالتیں موجود ہیں ان پر مقدمہ چلایا جائے نوجوانوں کو لاپتہ کرنے سے ان کے والدین دربدر کی ٹھوکریں کھارہی ہے پی ڈی ایم مطالبہ کرتی ہے کہ لاپتہ افراد کو منظر عام پر لاکر ملک کی قانون کے تحت عدالتوں میں پیش کرکے انہیں صفائی کا موقع دیا جائے ۔دوسری جانب پاکستان ڈیموکریٹک موومنٹ کے مرکزی صدر مولانا فضل الرحمن نے کہا ہے کہ پاکستان پیپلزپارٹی کے چیئرمین بلاول بھٹو زرداری میرے گھر آئے تھے آدھا گھنٹہ گزار کر چلے گئے ہمارے گھر کے دروازے سب کیلئے کھلے ہیں پی ڈی ایم میں دوبارہ شمولیت کا فیصلہ پی ڈی ایم کے اجلاس میں کرینگے
