اسلام آباد(این این آئی)پاکستان پیپلز پارٹی نے پی ٹی اور اتحادی جماعتوں کے فاصلوں کو حکومت کے گھر جانے کا اشارہ قرار دیتے ہوئے کہا ہے کہ وزیراعظم چیرمین سینٹ سپیکر قومی اسمبلی کے خلاف عدم اعتماد کے آپشن موجود ہیں ۔پاکستان پیپلز پارٹی کے سیکرٹری جنرل سید نیر حسین بخاری نے اتوار کو جاری بیان میں کہاکہ ناائل ٹیم کا چناؤ کرنے والا کپتان بھی ناائل ہوتا ہے حکومت خود اپنے
اندر گروہوں میں تقسیم ہے۔ انہوںنے کہاکہ حکومت اور اتحادی جماعتوں کے درمیان دراڑیں واضح طور پر نظر آنا شروع ہوگئی ہیں نیر بخاری نے کہا کہ حکومت اور اتحادی جماعتوں کے درمیان فاصلے حکومت کے گھر جانے کا اشارہ ہے قومی عوامی مفادات کو زاتی مفاداتی پر ترجیع دینے والوں کا گھر جانے کا وقت قریب آ چکا ہے ۔ پیپلز پارٹی کے سیکرٹری جنرل نیر بخاری نے سیاسی صورتحال سے متعلق اہم بیان میں کہا کہ حکومتی اتحادی جماعتوں نے بھی اپوزیشن کے موقف کی تائید کردی ہے حکومت کو قانون سازی بلڈوز کرنے کی کسی صورت اجازت نہیں دیں گے ۔انہوں نے کہا کہ اپوزیشن پارلیمنٹ کے اندر اور باہر متحد ہے اور متفقہ حکمت عملی زیر غور ہیوزیراعظم، چیئرمین سینیٹ اور اسپیکر کے خلاف تحریک سمیت تمام آپشنز موجود ہیں نیر بخاری نے کہا کہ اپوزیشن مشاورت کے ساتھ ملکر فیصلہ کرے گی کہ غیرآئینی حکومت کو گھر بھیجنے کے لئے کہاں سے شروعات کی جائے انہوں نے کہا ہے کہ وزیراعظم، چیئرمین سینیٹ اور اسپیکر کے خلاف تحریک کا حتمی فیصلہ پارٹی قیادت کرے گی نیر بخاری نے کہاکہ موجودہ صورتحال سے لگ رہا ہے کہ اپوزیشن کے اقدامات سے قبل ہی حکومت گھر چلی جائیگی۔
