اسلام آباد (مانیٹرنگ ڈیسک /این این آئی)بھارتی عدالت نے بالی وڈ کنگ شاہ رخ خان کے بیٹے آریان خان کی منشیات کیس میں ضمانت مسترد کر دی ہے ۔ آریان خان کی عدالت پیشی کے موقع پر شاہ رخ خان کے اسٹاف کی جانب سے آریان خان کے لیے کھانے اور دیگر ضروریات کی چیزیں پہنچانے کی تصاویر وائرل ہوگئی ہیں۔بھارتی میڈیا رپورٹس کے مطابق تصاویر میں

موجود عملہ آریان کے لیے سوٹ کیس، ٹفن باکس اور شاپرز لے جاتے ہوئے دیکھا گیا۔رپورٹس کے مطابق چند دن قبل شاہ رخ کی اہلیہ گوری خان بھی برگر لے کر این سی بی کے دفتر پہنچی تھیں جو انہوں نے آریان خان کو کھلانے کیلئے لائی تھیں لیکن ای سی بی حکام نے ان کی یہ خواہش پوری نہ ہونے دی ۔ واضح رہے کہ ممبئی کی مقامی عدالت نے بالی ووڈ کے کنگ شاہ رخ خان کے بیٹے کی درخواست مسترد کر د ی ۔ منشیات کی برآمدگی کیس گرفتار شاہ رخان کے بیٹے آریان خان سمیت 2افراد کی ضمانت درخواست مسترد ہو گئی ہے ۔ شاہ رخ خان کے بیٹے کی نارکوٹکس کنٹرول بیورو (این سی بی) کی تحویل آج ختم ہورہی تھی، جس کے پیش نظر آریان خان و دیگر نے ممبئی کی عدالت میں ضمانت کی درخواست جمع کرائی۔بھارت کی عدالت نے آریان خان سمیت دیگر افراد کی منشیات کی برآمدگی کیس میں ضمانت کی درخواست مسترد کر دی ہے ۔جس کے بعد سینئر وکیل ستیش مانی شندے کا کہنا تھاکہ آریان خان کی ضمانت کیلئے وہ ایک اور درخواست دیں گے ۔ خیال رہے کہ آج بھارتی ادارہ نارکوٹکس کنٹرول بیورو (این سی بی) مبینہ طور پر آج عدالت میں آریان خان کی جانب سے دائر کی گئی درخواستِ ضمانت پر رہائی ملنے کی مخالفت کرے گا۔بھارتی میڈیا رپورٹس کے مطابق این سی بی کی جانب سے آج عدالت میں پوری کوشش کی جائے گی کہ آریان خان کو منشیات برآمدگی کیس میں ضمانت نہ مل سکے۔دوسری جانب بالی ووڈ کے کنگ شاہ رخ خان کے بیٹے آریان کو 2اکتوبر کی رات کروز شپ پر جاری ایک پارٹی سے منشیات کیس میں گرفتار کیا گیا تھا۔ تفصیلات کے مطابق آریان خان کو منشیات برآمدگی کیس میں انسدادِ منشیات کے ادارے نارکوٹکس کنٹرول بیورو (این سی بی) کی جانب سے گرفتار کیا گیا تھا۔این سی بی ذرائع کا کہنا ہے کہ گرفتار کئے گئے تمام افراد اور دو منشیات فروش مبینہ طور پر ایک دوسرے سے واٹس ایپ پر رابطے میں تھے اور چیٹ میں کوڈ ورڈز کا استعمال کرتے تھے۔