مانانوالہ(آن لائن) امیر جماعت اسلامی پاکستان سراج الحق نے کہا ہے کہ کتنی بار نواز شریف زرداری اور عمران خان نے امریکہ کے دورے کیئے ہیں مگر عافیہ صدیقی کی رہائی کے لیئے اف تک نہیں کر سکے، جوبائیڈن ظالم تو اب ان کا فون بھی نہیں اٹھاتا ہے افغانستان کی موجودہ صورتحال کے تناظر میں جیسے فوجیوں اور افسران کو
پاکستان میں رکھا اس موقع پر ڈاکٹر عافیہ صدیقی کی رہائی کا حکومت کے پاس سنہری موقع تھا مگر حکومت کی یہ ترجیحات نہیں ہے ۔مودی کو کشمیر جھولی میں رکھ کر دے دیا گیا ہے ان خیالات کا اظہار امیر جماعت اسلامی پاکستان سراج الحق نے مانانوالہ کے نواحی علاقہ بھکھی میں شاہین ولاز میں جماعت اسلامی کے کارکنوں اور عہدیداروں سے ملاقات کے بعد میڈیا سے گفتگو کرتے ہوئے کیا انہوں نے کہا کہ جماعت اسلامی ہر حلقے سے آپنے امیدوار کھڑے کریں گی جو اہل اور ایماندار ہوں گے موجودہ حکومت کو تین سال سے زائد کا عرصہ ہو گیا اور دو سال سے کم کا رہ گیا ہے مگر حکومت نے آپنے منشور اور وعدوں پر کسی ایک پر بھی عمل نہیں کیا بلکہ نفی کی ہے بلکہ ریاست مدینہ کا پاک نام لے کر عوام کے ساتھ مذاق کیا گیا ہے مہنگائی بیروزگاری اور بیڈ گورننس حکومت کے ٹریڈ مارکس بن چکے ہیں حکومت کو پیٹرول اور ڈیزل کی قیمتوں میں اضافہ واپس لینا چاہیے موجودہ حکومت نے مودی کو کشمیر جھولی میں رکھ کر دے دیا ہے جو کشمیری عوام اور کشمیری شہدا سے غداری کے مترادف ہے پی ٹی آئی نے اب تک 57 کے قریب قوانین بنائے ہیں ایک بھی عوام کے لیئے نہیں بنایا گیا ہے حکومت تبدیلی مذہب کا قانون لانے جا رہی ہے جو کسی صورت قابل قبول نہیں ہو گا ۔
