کابل(این این آئی)افغانستان کے صوبے پنج شیر میں کشیدگی جاری ہے، برطانوی اخبار نے دعوی کیا ہے کہ احمد مسعود ہتھیار ڈالنے کی تیاری کر رہے ہیں، امراللہ صالح نے بھی پنج شیر میں طالبان کی پیش قدمی کا اعتراف کر لیا ہے۔میڈیارپورٹس کے مطابق وادی پنج شیر میں جنگی صورت حال شمالی اتحاد کی فورسز پسپائی پر مجبورہوگئیں، برطانوی اخبار نے دعوی کیا کہ احمد مسعود کو فوجی طاقت اورعالمی حمایت کی کمی کاسامنا ہے، احمد مسعود نے لڑنے کا اعلان کیا ہے لیکن حربی طاقت کم ہے۔ اس ساری صورت حال کے پیش نظر وہ ہتھیارڈالنے کی تیاری کررہے ہیں۔امراللہ صالح نے بھی پنج شیر میں طالبان کی پیش قدمی کا اعتراف کیا ہے، انہوں نے اپنے ٹویٹ میں لکھا کہ طالبان نے وادی اندراب کا محاصرہ کر لیا ہے، جس کے باعث وادی میں خوراک اور ایندھن کی قلت پیدا ہو گئی ہے۔ علاقے میں صورتحال بہت خراب ہے۔