اسلام آباد (آن لائن) تحریک انصاف حکومت کے پہلے مالی سال کے دوران پی آئی اے کو مجموعی طور پر 4کھرب 88 ارب 69 کروڑ روپے سے زائد خسارے برداشت کرنا پڑا جو گزشتہ مالی سال سے 68ارب 28کروڑ زیادہ ہے۔ آڈیٹر جنرل کی جانب سے جاری دستاویزات کے مطابق مالی سال 2019 کے دوران پاکستان انٹرنیشنل ایئر لائنز کارپوریشن لمیٹیڈ کو
مجموعی طور پر 488 ارب 69کروڑ 57 لاکھ روپے سے زائد خسارے کا سامنا رہا ہے جبکہ مالی سال 2018 کے دوران یہ خسارہ 426ارب 40کروڑ 90لاکھ روپے رہا رپورٹ کے مطابق مالی سال 2019 کے دوران خسارے میں 14.61فیصد اضافہ ہوا ہے۔ دستاویزات کے مطابق مالی سال 2019 کے دوران پی آئی اے کے جہازوں کی مرمت اور اووہالنگ پر گزشتہ مالی سال کے مقابلے میں 51فیصد زیادہ اخراجات ہو ئے ہیں مالی سال 2019 کے دوران اس مد میں 16ارب 73 کروڑ روپے سے زائد اخراجات ہوئے ہیں جبکہ مالی سال 2018 کے دوران پی آئی اے کے جہازوں پر اسی مد میں 21ارب 10کروڑ روپے سے زائد اخراجات ہو? ہیں دستاویزات کے مطابق پی آئی اے کے مالیاتی اخراجات میں گزشتہ مالی سال کے مقابلے میں 72فیصد اضافہ ہوا ہے جوکہ مالی سال 2018کے دوران 21ارب 10کروڑ روپے سے زائد جبکہ مالی سال 2019 کے دوران 36ارب 38کروڑ روپے سے زائد رہے اسی طرح فلائیٹ آپریشن کے اخراجات میں 3.38فیصد اضافہ ہوا ہے جوکہ مالی سال 2018 کے دوران 33ارب 67 کروڑ روپے اور مالی سال 2019 کے دوران 34ارب 80کروڑ روپے سے زائد رہی ہیں دستاویزات کے مطابق پی آئی اے کے اثاثوں کی کل مالیت 61 ارب 25کروڑ روپے سے زائد ہے جبکہ ادارے کے ذمہ واجبات 3کھرب28ارب سے زائد ہے اور یہ اثاثوں سے 81فیصد زیادہ ہے۔
