لاہور( این این آئی )صوبائی وزیرتعلیم ڈاکٹر مراد راس نے ٹرانس جینڈر کے لئے سکول کھولنے کا اعلان کرتے ہوئے کہا ہے تعلیم کے بعد دوسرا مرحلہ ان کو نوکریاں دینا ہوگا ، آج ( بدھ) ملتان میں پہلے سکول کا افتتاح ہوگا ۔میڈیا سے گفتگو کرتے ہوئے انہوں نے کہا کہ

ٹرانس جینڈر جب ریگولر سکول میں جائیں گے تو انہیںکچھ مشکلات ضرور درپیش ہوں گی،بعض اوقات بچے چونکہ ناسمجھ ہوتے ہیں وہ ایسے سخت الفاظ کہہ جاتے ہیں جن کو برداشت کرنا پڑتا ہے، پہلا مرحلہ یہ ہے کہ ہم ٹرانس جینڈر کے لئے سکول کھول رہے ہیں، اس کا نام ہم نے ٹرانس ایجوکیشن رکھا ہے، ایم فل بھی ڈھونڈے ہیں جو کہ ان سکولوںمیں پڑھانا چاہتے ہیں، دوسرا مرحلہ انہیں نوکریاں دینے ہوگا۔اس اقدام کا مثبت نتیجہ آئے گا، اس مقصد کے لئے ہم پہلے ملتان میں ان کے لئے سکول کھول رہے ہیں ،سیکرٹری سکول ایجوکیشن ڈاکٹراحتشام تمام فرائص اپنی زیر نگرانی کرائیں گے،اس کے بعد لاہور، راولپنڈی اور جتنے ہمارے مرکزی ڈویژن ہیڈکوارٹر ہیں وہاں ٹرانس جینڈر کے لئے سکول کھولیں گے، وہ دن بھی آئے گا جب یہ ریگولر سکولوں میں آئیں گے، سب ہمارے لوگ ہیں، سب کیلئے جگہ بنانی ہے۔انہوںنے کہا کہ جو ٹرانس جینڈر نے مطالبات کئے ہم ان کو ضرور پورا کریں گے،یہ ایک بڑا مرحلہ ہے اور آج بدھ ملتان میں سکول کھلے گا،ہم نے انرولمنٹ ہم نے شروع کردی ہے کیونکہ 3 ہفتے کے لئے سکول بند ہیں،انصاف آفٹر نون سکولوںکی15 جولائی تک تصدیق ہو جائے گی ،پنجاب کے سکولوں کے ساتھ انصاف آفٹرنون سکول کا بورڈ بھی آویزں کیاجائے گا۔تاکہ لوگوں کا پتہ لگے کے پرائمری سکول ایلیمنڑی میں بدل چکا ہے، ان چیزوں سے ہم سکول ایجوکیشن ڈیپارٹمنٹ کو تبدیل کریں گے،ہمارے 5 سال ختم ہونے پر پاکستان اور دوسرا بڑا یہ ادارہ ایک موبائل پر موجود ہوگا، کسی بچے کو ڈھونڈنا، سکول یا کسی اساتذہ کو اس کو آسانی سے تلاش کرسکیں گے۔