اسلام آباد( آن لائن ) پاکستان تحریک انصاف کی خواتین اراکین اسمبلی بجٹ اجلاس کے دوران لیگی خواتین اراکین اسمبلی سے احتجاجی پلے کارڈز چھیننے پہنچ گئیں۔2021-22بجٹ اجلاس کے دوران اپوزیشن کی جانب سے خوب ہنگامہ اور شور شرابا کیا گیا،اس دوران پاکستان تحریک انصاف کی اراکین اسمبلی پاکستان مسلم لیگ(ن) کی
خواتین اراکین اسمبلی کے پاس پہنچیں اور انہیں احتجاجی پلے کارڈز ہٹانے کو کہا اور ماننے پر ان سے پلے کارڈز چھیننے کی کوشش کی۔فوٹیج میں ن لیگ کی مریم اورنگزیب اور شائستہ پرویز ملک کو دیکھا جاسکتا ہے جن سے پلے کارڈ چھیننے کی کو شش کی گئی ۔وفاقی وزیر خزانہ شوکت ترین نے کہا ہے کہ اگلے سا ل زراعت کیلئے 12ارب روپے مختص کئے ہیں ۔ قومی اسمبلی میں اظہار خیال کرتے ہوئے شوکت ترین نے فوڈ سیکیورٹی کے حوالے سے کہا کہ ہماری حکومت نے زراعت کے شعبے کو غیرمعمولی ترجیح دی ہے۔انہوں نے کہا کہ امسال گندم، چاول، گندے میں بہت زیادہ پیداوار ہوئی۔وزیر خزانہ نے کہا کہ اسی وجہ سے نیشنل ایگریکلچر ایمرجنسی پروگرام کا اعلان کیا ہے۔انہوں نے کہا کہ اس پروگرام کا مقصد لائیو اسٹاک اور زراعت کو جدید خطوط پر استوار کرنا ہے۔انہوں نے کہا کہ اس کے علاوہ مویشی، ماہی گیری، آپباشی کے شعبے کا اعادہ کیا جائے گا جبکہ ہم نے اگلے سال زراعت کیلئے 12 ارب روپے مختص کیے ہیں۔انہوں نے کہا کہ ٹڈی دل اور فوڈ سیکیورٹی پراجیکٹ کے لیے ایک ارب روپے مختص کرنے کی تجویز شامل ہے۔ انہوں نے کہا کہ پاکستان تیزی سے پانی کی کمی کا شکار ہورہا ہے اور وزیراعظم عمران خان چھوٹے ڈیموں کی تعمیر کے لیے خواہاں ہیں۔وفاقی وزیر خزانہ شوکت ترین
نے کہا ہے کہ وزیراعظم کے ہاؤسنگ اور تعمیرات پیکج سے شعبے میں بہت سی معاشی سرگرمیوں وابستہ صنعتوں کو فروغ ملا ہے۔ قومی اسمبلی میں خطاب کرتے ہوئے شوکت ترین نے کہا کہ اس وقت پاکستان میں کم از کم ایک کروڑ رہائشی مکانات کی کمی ہے، وزیراعظم کے ہاؤسنگ اور تعمیرات پیکج سے اس شعبے میں بہت سی
معاشی سرگرمیوں اور اس شعبے سے وابستہ صنعتوں کو فروغ ملا ہے۔وزیر خزانہ نے کہا کہ حکومت اس پروگرام کے فروغ کے لیے مندرجہ ذیل اقدامات اٹھارہی ہے، اس سلسلے میں پالیسی سازی اور اس کے نفاذ میں ربط کے لیے نیا پاکستان ہاؤسنگ اتھارٹی قائم کی گئی ہے۔انہوں نے کہا کہ حکومت اس پروگرام کے فروغ کے لیے مندرجہ
ذیل اقدامات اٹھارہی ہے، اس سلسلے میں پالیسی سازی اور اس کے نفاذ میں ربط کے لیے نیا پاکستان ہاؤسنگ اتھارٹی قائم کی گئی ہے۔وزیر خزانہ نے کہا کہ اس اقدام کے تحت ہاؤسنگ اسکیموں کے لیے ٹیکسوں میں رعایت کا ایک پیکج خاص طور پر واضح کیا گیا ہے، اس کے علاوہ حکومت کم آمدن والے افراد کو گھر بنانے میں مدد کے لیے 3 لاکھ روپے کی سبسڈی دے رہی ہے۔انہوںنے کہاکہ پاکستان میں پہلی بار مورٹگیج فنانسنگ شروع کی گئی
ہے، تمام صوبائی حکومتیں اس اقدام میں معاونت کی غرض سے اراضی کا تعین اور ہاؤسنگ منصوبوں کا آغاز اور نجی شعبے کی ہاؤسنگ اسکیموں کی حوصلہ افزائی کر رہی ہے۔وزیر خزانہ نے کہا کہ بینک لوگوں کی رقوم کی فراہمی کے پروگرام میں شرکت کر رہے ہیں اور اس ضمن میں بینکوں کو 100 ارب روپے کی فراہمی کی درخواستیں موصول ہوئی ہیں جس میں سے 70 ارب روپے کی فراہمی کی منظوری جاچکی ہے اور ادائیگی کا سلسلہ شروع ہوچکا ہے۔
