کراچی (این این آئی)سابق وزیرخزانہ اور رہنما (ن )لیگ مفتاح اسماعیل نے کہا ہے کہ پی ٹی آئی کی روایات توٹیکس لگانیکی تھی لیکن ایسا نہیں کیاگیا ۔ ایک انٹرویومیں مفتاح اسماعیل نے کہا کہ پی ٹی آئی کی روایات توٹیکس لگانیکی تھی لیکن ایسا نہیں کیاگیا، حکومت براہ راست ٹیکسزنہیں لگارہی لیکن بالواسطہ ٹیکسز بڑھیں گے۔مفتاح

اسماعیل نے کہا کہ چھوٹی گاڑیوں پر ٹیکس کم کرکے حکومت نے گاڑیوں کی کمپنی کوفائدہ دیا ،سوچ رہاتھا حکومت تنخواہوں میں20فیصداضافہ کریگی لیکن ایسانہیں کیا۔ انہوںنے کہاکہ کورونا کی وجہ سے موجودہ حکومت کو فائدہ ہوا ہے زرمبادلہ ذخائربڑھے ہیں جو خوش آئندبات ہے، کوروناکی وجہ سے ٹریول کم ہو گیا ہے جس کی وجہ سے زرمبادلہ ذخائر بڑھے، میں تو چاہتا ہوں گروتھ بڑھے لیکن مشکل ہی لگتا ہے۔وفاقی وزیر اطلاعات و نشریات فواد چوہدری نے ردعمل دیتے ہوئے کہا کہ مفتاح اسماعیل تنقیدی موڈ سے نکلیں گے تو حکومتی اقدامات کی تعریف کریں گے۔وزیر مملکت برائے اطلاعات و نشریات فرخ حبیب نے کہا ہے کہ حکومت نے 40 تا 60 لاکھ گھرانوں کو اپنے پائوں پر کھڑا کرنے کا پروگرام تشکیل دید یا۔سماجی رابطے کی ویب سائٹ پر جاری بیان میں وزیر مملکت نے کہاکہ 40 سے 60 لاکھ گھرانوں کو اپنے پائوں پر کھڑا کرنے کیلئے کامیاب پاکستان پروگرام دیا گیا ہے۔انہوں نے کہا کہ اس پروگرام کے ذریعے ہر گھرانے کو کاروبار کے لیے 5 لاکھ روپے تک بغیر سود قرض دیے گئے ہیں۔فرخ حبیب نے کہا کہ کاشت کار کو فصل کے لیے 1 اعشاریہ 5 لاکھ روپے کا بلادسود قرض دیا جائے گا۔انہوںنے کہاکہ کاشت کار کو ٹریکٹروں اور مشینری کے لیے 2 لاکھ روپے بلاسود قرض دیں گے۔وزیر مملکت نے کہا کہ 40 سے 60 لاکھ گھرانوں کو کم لاگت والے گھروں کے لیے 20 لاکھ تک سستے قرضے دیں گے۔انہوں نے کہاکہ ہیلتھ کارڈ اور ہر گھر سے ایک فرد کو فنی تعلیم دیکر معاشی طور مضبوط بنایا جائیگا۔