اسلام آباد (مانیٹرنگ ڈیسک)نیواسلام آباد انٹرنیشنل ایئر پورٹ پر بارش کے بعد بد انتظامی کھل کر سامنے آ گئی ، تیزہوائوں سے ایک چھوٹا طیارہ بھی الٹ گیا ۔میڈیا رپورٹس کے مطابق آج صبح سویرے

اسلام آباد میں طوفانی بارش ہوئی ، تیز ہوائیں بھی چلتی رہیں جس کی وجہ سے نیواسلام آباد انٹرنیشنل ایئر پورٹ ایک چھوٹا جہاز الٹ گیا اور اس کے ایک پر کو نقصان پہنچاہے ، تیزہوا ئوںسے اسلام آباد ایئر پورٹ کا ایک دروزاہ اور دو کھڑکیاں بھی ٹوٹ گئیں ۔ بارش سے امیگریشن ہال کی چھت ٹپکتی رہی ۔صورتحال پر انتظامیہ کی دوڑیں لگ گئیں ، مرمتی کام اور امدادی کارروائیاں شروع کردی گئی ہیں ، دوسری جانب آئیسکو ریجن کے بیشتر علاقوں میں شدید آندھی اور موسلا دھار بارش کے باعث متعدد فیڈرز ٹرپ کر گئے۔ ترجمان آئیسکو کے مطابق بارش رکتے ہی کمپلینٹ سٹاف نے بجلی بحالی کا کام شروع کر دیا۔ترجمان آئیسکو کا کہنا ہے کہ 70 فیصد سے زائد علاقوں کی بجلی قلیل وقت میں بحال کر دی گئی، فیلڈ فارمیشنز کو متاثرہ علاقوں کی بجلی جلد بحال کرنے کے احکامات صادر کردئیے گئے ہیں۔