پشاور(آن لائن) چاروں صوبوں نے یکساں نصاب تعلیم پر آمادگی ظاہر کر دی ہیں اور مشروط آمادگی میں ملک بھر کے تمام سرکاری و غیر سرکاری تعلیمی اداروں نے ایک جیسے لازمی مضامین پڑھائیں جائینگے۔ وزارت تعلیم کے ذرائع کے مطابق اس حوالے سے عید الفطر کے فوراً بعد اعلیٰ سطحی اجلاس میں دیگر لائحہ عمل بھی طے کیا جائے گا۔ یکساں نصاب تعلیم کے لئے کمیٹی تشکیل دی گئی ہیں۔ وزارت تعلیم کے ذرائع کے مطابق کمیٹی میں
وزارت تعلیم کو سفارشات ارسال کردی ہیں کمیٹی کے پیش کردہ سفارشات میں لازمی مضامین تمام صوبوں میں یکساں،،رکھنے کی تجاویز دی گئی ہیں۔ کمیٹی نے یہ بھی تجویز دی ہے کہ تمام سرکاری اور غیر سرکاری تعلیمی اداروں میں ایک جیسے نصاب پڑھایا جائے۔ وفاقی وزارت تعلیم و پیشہ وارانہ تربیت کی جانب سے بین الصوبائی وزارت تعلیم کانفرنسوں کے انعقاد اورمشاورت کے بعد تمام صوبو ں نے یکساں نصاب تعلیم پر آمادگی ظاہر کر دی ہیں۔
