اسلام آباد (آن لائن) رواں مالی سال 2018۔19ء کے ابتدائی 9 ماہ میں جولائی تا مارچ کے دوران ملک کے تجارتی خسارہ میں 13.02 فیصد کی کمی واقع ہوئی ہے۔ادارہ برائے شماریات پاکستان ( پی بی ایس) کے اعداد و شمار کے مطابق جاری مالی سال میں جولائی تا مارچ 2018۔19ء کے دوران ملک کا تجارتی خسارہ 23 ارب 67 کروڑ 20

لاکھ ڈالر تک کم ہو گیا ہے جبکہ گزشتہ مالی سال میں جولائی تا مارچ 2017۔18ء کے دوران تجارتی خسارہ 27 ارب 21 کرور 60 لاکھ ڈالر رہا تھا۔ اس طرح گزشتہ مالی سال کے مقابلہ میں رواں مالی سال کے پہلے 9 ماہ کے دوران تجارتی خسارہ میں 3 ارب 54 کروڑ 40 لاکھ ڈالر یعنی 13 فیصد سے زیادہ کی نمایاں کمی ریکارڈ کی گئی ہے۔