حسن ابدال (این این آئی)وزیر ریلوے شیخ رشید احمد نے ایک بار پھر دعویٰ کیا ہے کہ تیس جون سے پہلے پہلے چور سارے اندر جائینگے ،اندر سے پیپلز پارٹی اور (ن )لیگ والے ملے ہوئے ہیں ،پندرہ تاریخ کوزر داری کی منی لانڈرنگ کر نے والی کمپنی کا نام بتاؤنگا اب وہی کمپنی شہباز شریف کی بھی کر رہی ہے،میرے موکل بہت تیز ہیں ،سوچ رہا ہوں تعویزات کا کام کرو اور پتھری کا تعویز دونگا ،زرداری اچھا آدمی ہے پیسے دے دیگا ،(ن )لیگ تو کفن میں جیب لگوا کر ساتھ لے کر جائیگی،

مودی کا ایجنڈہ بھارت میں کئی پاکستان بنا دیگا۔ بدھ کو وزیر ریلوے شیخ رشید احمد نے میڈیا سے گفتگو کرتے ہوئے کہاکہ 25 کروڑ روپے کا پنجا صاحب کیلئے منصوبہ ہے چار دیواری بھی بنا رہے ہیں۔انہوں نے کہاکہ اسٹیشن کے اطراف میں تجاوزات کو پندرہ مارچ تک ختم کر دیا جائیگا ۔ انہوں نے کہاکہ بارہ نومبر کو ننکانہ صاحب کو اٹھارہ کروڑ روپے لگا کر آپ گریڈ کر رہے ہیں۔ انہوں نے کہاکہ گرو بابا نانک کو ٹرین پسند تھی اور مجھے بھی ٹرین پسند ہیں۔ انہوں نے کہاکہ مثالی ریلوے اسٹیشن بنائیں گے ،اگلے سال سردار آئینگے پنجا صاحب اسٹیشن مکمل ہو گا ۔ انہوں نے کہاکہ پندرہ تاریخ کو میں خود سردار مہمانوں کو خوش آمدید کہونگا۔شیخ رشید نے کہاکہ اگلے سال تک یہ ایک تاریخی اسٹیشن ہوگا میں انتظامات دیکھنے آیا ہوں۔ انہوں نے کہاکہ تیس جون سے پہلے پہلے چور سارے اندر ہو جائینگے۔ انہوں نے کہاکہ جنگ آگئی تھی اس لئے تاخیر سے سارے چور اندر جائیں گے۔ انہوں نے کہاکہ میرا سیاسی تجزیہ یہ ہے سب اندر جائیں گے۔ انہوں نے کہاکہ بظاہر تو ن اور پیپلزپارٹی نے میسج یہ دیا کہ بات نہیں مانی اندر سے ن لیگ اور پیپلز پارٹی ملے ہوئے ہیں۔ انہوں نے کہاکہ پندرہ تاریخ کو کمپنی کا نام بتاؤں گا جس کمپنی نے زرداری کی منی لارڈنگ کی وہی شہباز کی بھی کر رہی ہے۔ انہوں نے کہاکہ میرے موکل بہت تیز ہیں ،سوچ رہا ہوں تعویزات کا کام کرو اور

پتھری کا تعویز دونگا ۔شیخ رشید احمد نے کہاکہ سات آٹھ سال سے میں نے جھوٹ بولنا چھوڑ دیا ہے عمران خان مجھ سے زیادہ سچا ہے۔ انہوں نے کہاکہ زرداری اچھا آدمی ہے پیسے دے دیگا ن لیگ تو کفن میں جیب لگوا کر ساتھ لے کر جائیگی۔ انہوں نے کہاکہ مودی کاایجنڈہ کشمیر پر دیا مسلمانوں کی نفرت پر دیا ۔ انہوں نے کہاکہ مودی کا ایجنڈہ بھارت میں کئی پاکستان بنا دیگا۔