لندن (این این آئی) انٹرپول نے 115 پاکستانیوں کو مطلوب قرار دیدیاجن میں دو دہشت گرد بھی شامل ہیں۔ میڈیا رپورٹ کے مطابق جرائم کی روک تھام کیلئے بنائے گئی عالمی تنظیم انٹرپول نے مطلوب افراد کی فہرست جاری کردی۔ مرتب کردہ فہرست میں 4پاکستانی ڈکیت، 3اغواکار بھی شامل ہیں۔ 100سے زائد پاکستانی قتل کی وارداتوں میں مطلوب ہیں۔ بیشتر مطلوب افراد کا تعلق

صوبہ پنجاب سے ہے ٗدہشت گردی کے مقدمے میں مطلوب دہشت گردوں کا نام علی حامد اور ابو زر سید عبداللہ ہیں۔واضح رہے کہ کچھ ہی دن پہلے پاکستان اور برطانیہ نے ملزمان کی حوالگی کے بارے میں ایک معاہدے پر دستخط کئے ہیں جس کے بعد برطانوی اداروں کی جانب سے برطانیہ میں مقیم پاکستانیوں کے حوالے سے تیزی سے اقدامات دیکھنے میں آرہے ہیں۔