اسلام آباد(مانیٹرنگ ڈیسک)امریکا روانگی کےلئے وزیرخارجہ شاہ محمود قریشی بغیر کسی پروٹوکول کے اسلام آباد ائیر پورٹ پہنچ گئے،نجی ٹی وی کے مطابق شاہ محمود قریشی بورڈنگ پاس کیلئے لائن میں لگ گئے ،ایئر پورٹ میں موجود لوگ وزیر خارجہ کو اپنے درمیان پاکر حیران رہ گئے اور ان
کے ساتھ سیلفیاں بنوائیں۔ اس موقع پر شاہ محمود قریشی بھی لوگوں میں گھل مل گئے اور بچوں بڑوں کیساتھ سیلفیاں بنوائیں۔جس کے بعدوزیر خارجہ شاہ محمود قریشی اقوام متحدہ کے جنرل اسمبلی کے اجلاس میں شرکت کےلئے نیو یارک روانہ ہوگئے ۔اس موقع پر سیکرٹری خارجہ تہمینہ جنجوعہ بھی ان کے ہمراہ تھیں۔
