اسلام آباد (این این آئی) پاکستان مسلم لیگ (ن) کے رہنما مشاہد اللہ خان نے کہاکہ سابق وزیراعظم محمد نوازشریف، ان کی صاحبزادی مریم اور کیپٹن (ر) محمدصفدر ہر امتحان میں پورا اترے ہیں، تینوں ناکردہ گناہوں کی سزا کاٹ رہے ہیں، جس کی مثال نہیں ملتی۔اسلام آباد ہائیکورٹ آمد پر میڈیا سے گفتگو کرتے ہوئے سینیٹر مشاہد اللہ نے کہا

کہ نواز شریف کا قصور اتنا ہے کہ اس نے عوام کی خدمت کے سوا کچھ نہیں کیا ،تینوں ناکردہ گناہوں کی سزا دی جا رہی ہے۔سینیٹر مشاہد اللہ خان نے کہا کہ تینوں نے جس بہادری سے جیل کاٹی ہے، تاریخ میں اس کی مثال نہیں ملتی، یہ لوگ اپنے امتحان میں پورا اترے ہیں، اب باری ان کے امتحان کی ہے، جو اندر بیٹھے ہیں۔