اسلام آباد(مانیٹرنگ ڈیسک)بیگم کلثوم نواز کی نماز جنازہ میں بدمزگی ، پنجاب حکومت کے انتظامات دھرے کے دھرے رہ گئے، لوگ میت والی ایمبولینس کیساتھ دوڑتے ہوئے پنڈال میں داخل ہو گئے۔ تفصیلات کے مطابق بیگم کلثوم نواز کی نماز جنازہ کے دوران شدید بدمزگی دیکھنے میں آرہی ہے اور پنجاب حکومت کی جانب سے کئے گئے انتظامات
دھرے کے دھرے رہ گئے ہیں ۔ بیگم کلثوم نواز کی میت جاتی امرا فارم سے شریف میڈیکل سٹی ایمبولینس میں لائی گئی جس کے شریف میڈیکل سٹی پہنچتے ہی عوام کا جم غفیر ایمبولینس کے گرد جمع ہوگیا اور اس موقع پر شدید بدمزگی دیکھی گئی۔ عوام کی کثیر تعداد پنڈل میں جگہ نہ ہونے کے باوجود ایمبولینس کے ساتھ ہی پنڈال میں داخل ہو گئی ہے۔
