اسلام آباد(مانیٹرنگ ڈیسک)میئر کراچی وسیم اختر کو سڑک کی تعمیر کا معائنہ مہنگا پڑ گیا، موقع پر موجود شہری نے ایسا طعنہ مار دیا کہ میئرکراچی آگ بگولہ ہو گئے ۔ تفصیلات کے مطابق میئر کراچی وسیم اختر کو زیر تعمیر سڑک کا معائنہ کرنا مہنگا پڑ گیا ہے اور موقع پر موجود شہری نے میئر کراچی کو ایساطعنہ مار دیا کہ وہ آگ بگولہ ہو گئے اور شہری کو تمیز سے بات کرنے کاکہہ دیا۔ میئر کراچی وسیم اختر سڑک کی تعمیر کامعائنہ کرنے
پہنچےتو موقع پر موجود شہری نے طنز کیا کہ کام کوئی اور کروا رہا ہے مگر معائنہ کرنے آپ پہنچ گئے۔ فی نے جب میئر کراچی سے تو تو میں میں کی وجہ پوچھی تو وسیم اختر بولے، ایسے لوگ مل جاتے ہیں سرِ راہ چلتے چلتے۔واضح رہے کہ کراچی کے شہریوں کا عمومی شکوہ یہی ہے کہ ایم کیو ایم کی سیاسی قیادت کی طرح ، ان کے بلدیاتی نمائندے بھی وہ کام نہ کرسکے جو شہر اور شہر میں رہنے والوں کی ضرورت تھے۔
