ملتان (مانیٹرنگ ڈیسک) ملتان میں میٹرو کرپشن کیس میں نیب نے بڑی گرفتاریاں کر لیں ، تفصیلات کے مطابق ملتان میٹرو میں مبینہ کرپشن کرنے والے 6افراد کو اپنی حراست میں لے لیا ہے اور تفتیش شروع کر دی ہے ۔ گرفتار ہونے والوں میں منصوبے کا چیف انجینئر بھی شامل ہے ۔ نیب نے کیس میں ملوث منصوبے کے چیف انجینئر صابر خان سدوزئی، ڈائریکٹر انجینئرنگ نذیر چغتائی، منظور حسین، منعم سعید، ایکسین رانا وسیم اور رانا

خالد کو گرفتار کر لیا ہے۔ نیب نے ایم ڈی اے آفس پر بھی چھاپہ مارا جہاں سے منصوبے کا اہم ریکارڈ اپنے قبضے میں لیا گیا۔ گرفتار ملزمان کو کل احتساب عدالت میں پیش کیئے جانے کا امکان ہے۔ نیب کی جانب سے میٹرو بس منسوبے میں دو ارب سے زائد کی مبینہ کرپشن کی تحقیقات جاری تھی جس میں سابقہ ڈی سی بھی نیب کی انکوائری ٹیم کے سامنے پیش ہو چکے ہیں۔ نیب ذرائع کے مطابق لینڈ ایکوزیشن میں بہت زیادہ بے ضابطگیاں ہیں۔