روس پاکستان کے ساتھ کیمیائی ہتھیاروں میں تعاون چاہتاہے، روسی سفیر نے عمران خان کو بڑی پیشکش کر دی اسلام آباد(آن لائن)پاکستان میں روس کے سفیر کی بنی گالہ آمد،چیئرمین پاکستان تحریک انصاف عمران خان سے ملاقات کرکے انہیں انتخابات میں کامیابی پر چیئرمین پاکستان تحریک انصاف کو مبارکباد دی ہے ۔
اس موقع پر روسی سفیر کا کہنا تھا کہ پاک روس مشترکہ فوجی مشقیں کامیابی سے جاری ہیں۔ روسی کوہ پیما کی جان بچانے پر پاکستان پائلٹس کے خصوصا شکرگزار ہیں۔روسی سفیر نے کہا ماسکو پاکستان کے ساتھ تعلقات میں مزید بہتری کا خواہاں ہے۔ روس معاشی تعاون، انسانی حقوق میں بہتری اورکیمیائی ہتھیاروں میں پاکستان کے ساتھ تعاون بڑھانا چاہتا ہے۔ دہشت گردی کے انسداد اور افغانستان میں قیام امن کے لیے پاکستان کے ساتھ اشتراک کے خواہاں ہیں۔ باہمی تعاون کی راہ میں حائل مسائل کے فوری حل کی تدبیر کرنا ہوگی۔ پاکستانی اور روسی بینکوں کے مابین براہ راست روابط کا قیام وقت کی اہم ضرورت ہے ۔چیئرمین تحریک انصاف کی جانب سے مبارکباد پر روسی سفیر کا شکریہ اداکیا گیا اور کہا کہ میں اور میری حکومت روس کے ساتھ تعاون میں بہتری لانا چاہتے ہیں۔ روسی ڈرلنگ کمپنیوں کو پاکستان آمد کی دعوت دینا چاہیں گے۔ امریکی انتظامیہ سمجھ چکی ہے کہ افغانستان کے مسائل کا کوئی فوجی حل نہیں۔
