جمعہ‬‮ ، 04 اپریل‬‮ 2025 

اداکارہ میرا کی چھوٹی بہن نے اداکاری کے میدان میں انٹری دیدی

datetime 9  جنوری‬‮  2018
ہمارا واٹس ایپ چینل جوائن کریں

لاہور (این این آئی)پاکستان کی معروف اداکارہ میرا یوں تو ہمیشہ خبروں میں رہتی ہیں، لیکن اس بار وہ اپنی چھوٹی بہن کی اداکاری میں انٹری کے باعث خبروں کی زینت بنی ہوئی ہیں۔اداکارہ میرا کی چھوٹی بہن شائستہ جلد ہی ایک ٹی وی ڈرامے میں اداکاری کرتی نظر آئیں گی۔وکالت کے شعبے میں خود کو منوانے والی شائستہ جلد ہی اداکار شہروز سبزواری کے ساتھ پاکستانی سماج کی عکاسی کرنے والے ڈرامے میں ڈیبیو کرتی نظر آئیں گی۔

نجی ٹی وی سے بات چیت کرتے ہوئے شائستہ نے بتایا کہ وہ جس ڈرامے میں اداکاری کرتی نظر آئیں گی، وہ اچھا اور بڑا منصوبہ ہے۔انہوں نے بتایا کہ برکت صدیقی کی ہدایات میں بننے والے ڈرامے ’سیپ‘ میں وہ عمران بخاری اور شہروز سبزواری کے ساتھ کام کریں گی۔ساتھ ہی انہوں نے بتایا کہ پروڈیوسر سیما طاہر کی جانب سے تجویز کیے جانے کے بعد وہ اس منصوبے کا حصہ بنیں۔شائستہ نے انکشاف کرتے ہوئے کہا کہ اگرچہ انہیں ماضی میں بھی متعدد فلموں میں اداکاری کرنے کی پیشکش ہوئی، تاہم انہوں نے اداکاری کے مقابلے اپنی تعلیم کو مکمل کرنے کو ترجیح دی۔تاہم ساتھ ہی انہوں نے اعتراف کیا کہ ’سیپ‘ کے بہترین اسکرپٹ کی وجہ سے وہ اس بار منع نہ کرسکیں۔انہوں نے اپنے کردار کے حوالے سے بتایا کہ وہ ’ڈرامے میں ایک ایسی خوبصورت اور نوجوان لڑکی کا کردار ادا کر رہی ہیں، جن پر کئی پابندیاں عائد کی جاتی ہیں، اسے گھر سے باہر قدم رکھنے کی اجازت تک نہیں ہوتی، وہ سارا دن گھر میں ٹی وی دیکھتی اور اخبارات و میگزین پڑھتی رہتی ہے۔شائستہ نے کہا کہ اس کا مطلب یہ ہوا کہ وہ ڈرامے میں ایک ایسی لڑکی کا کردار ادا کر رہی ہیں، جو زیادہ دوست نہیں بنا سکتی، جو یہ تک نہیں بتا سکتی کہ اس کے ساتھ کیا ہو رہا ہے۔خیال رہے کہ ’سیپ‘ کی کہانی ثمرہ بخاری نے تحریر کی ہے، ڈرامے کی دیگر کاسٹ میں تارا محمود، ثنا فاخر، عثمان پیرزادہ، دیا مغل، صبا خان اور فریحہ الطاف شامل ہیں۔شہروز

سبزواری نے ڈرامے کے حوالے سے بتایا کہ ’سیپ‘ کی کہانی نوابوں کے کلچر کے گرد گھومتی ہے، اور وہ ڈرامے میں ایک نواب کے منشی کے بیٹے کا کردار ادا کر رہے ہیں۔انہوں نے اس بات پر خوشی کا اظہار کیا کہ میرا کی بہن ان کے ساتھ ڈرامہ ڈیبیو کرنے جا رہی ہیں۔شہروز سبزواری نے شائستہ کی تعریف کرتے ہوئے مزید کہا کہ وہ پڑھی لکھی اور نوجوان خاتون ہیں۔اگرچہ ’سیپ‘ کو آن ایئر کیے جانے کی تاریخ کا اعلان نہیں کیا گیا، تاہم شائستہ کو امید ہے کہ ڈرامہ فروری کے آخر تک آن ایئر کردیا جائے گا۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…