اسلام آباد(مانیٹرنگ ڈیسک)معروف بھارتی گلوکار سونو نگم کی اذان کے خلاف ہرزہ سرائی پر جہاں کئی اسلام مخالف انتہا پسند ان کی حمایت میں آکھڑے ہوئے وہیں کئی ایسے بھارتی فنکار بھی ہیں جنہوں نے براہ راست تو سونونگم کی اذان کے خلاف ہرزہ سرائی کی مذمت تو نہیں کی مگر سماجی رابطوں کی ویب سائٹ ٹویٹر پر اپنے پیغامات کے ذریعے ان کی اس اسلام مخالف حرکت کا جواب دیا ہے ۔
بالی وووڈ کی معروف اداکارہ و ہدایتکارہ پوجا بھٹ نے اپنے ایک ٹویٹر پیغام میں اذان کی حمایت کی ہے اور اسے پسند کیا ہے۔ اپنے ٹویٹر پیغام میں پوجا بھٹ کا کہنا تھا کہ ’’میں ہر روز صبح گرجا گھر کے گھنٹے اورمسجد سے گونجنے والی اذان کی آواز کے ساتھ اٹھتی ہوں جو کہ ممبئی کے علاقے باندرہ میں ایک ہی لائن میں ہیں ، میں بھارت میں موجود مذہبی ہم آہنگی کو سلام پیش کرتی ہوں اور اس کے اعزاز میں اگر بتی جلاتی ہوں‘‘۔ واضح رہے کہ معروف بھارتی گلوکار سونو نگم کی اذان کے خلاف ہرزہ سرائی پر جہاں بھارت میں رہنے والے مسلمان شدید غم و غصے میں ہیں وہیں ان کے کئی مسلم و غیر مسلم مداحوں نے بھی ان کی اس حرکت پر ان کی مذمت کرتے ہوئے کہا ہے کہ ایک معروف اور معاشرتی آداب سے واقف شخص کی طرف سے کسی مذہبی اقدار و شعار کو نشانہ بنانا نہایت افسوسناک ہے۔ ان کے کئی مسلم و غیر مسلم مداحوں نے بھی ان کی اس حرکت پر ان کی مذمت کرتے ہوئے کہا ہے کہ ایک معروف اور معاشرتی آداب سے واقف شخص کی طرف سے کسی مذہبی اقدار و شعار کو نشانہ بنانا نہایت افسوسناک ہے۔
