نیویارک(این این آئی)ویسے تو فلمی ستاروں کو دولت اور شہرت دونوں حاصل ہوتے ہیں مگر کچھ اداکار ایسے بھی ہوتے ہیں جو پرستاروں کو آٹو گراف دینے پر بھی لاکھوں کروڑوں روپے کما لیتے ہیں۔جی ہاں یقین کرنا شاید مشکل ہو مگر کیپٹن امریکا کا کردار ادا کرکے شہرت حاصل کرنے والے کرس ایونز نے محض پرستاروں کے ساتھ تصاویر کھچوا کر یا آٹو گراف دیکر ہی دو دن میں 5 لاکھ ڈالرز (پانچ کروڑ سے زائد پاکستانی روپے) کمالیے۔دلچسپ بات یہ ہے کہ کرس ایونز کو کیپٹن امریکا سیریز کی پہلی فلم میں کام کرنے پر صرف تین لاکھ ڈالرز کا معاوضہ ملا تھا۔درحقیقت ہولی وڈ اسٹارز کو کامک کون اور دیگر فین ایونٹس میں شرکت کے لیے لگژری ٹریول اور رہائشی سہولیات حاصل کرتے ہیں جبکہ تصاویر کھچوانے اور آٹو گراف کے بھی پیسے لیتے ہیں۔ان تقاریب میں پرستاروں سے ایک آٹو گراف کے لیے 5 اور تصویر کے لیے 10 ڈالرز لیے جاتے ہیں۔مگر جب بات بڑے اسٹارز کی ہو تو وہ ایک تصویر یا آٹو گراف کے بہت زیادہ پیسے لیتے ہیں مثال کے طور پر سلویسٹر اسٹالون آٹو گراف کے لیے 394 اور تصاویر کے لیے 445 ڈالرز طلب کرتے ہیں، تاہم ماورل کی سپر ہیروز فلموں میں کام کرنے والے اسٹارز کی مانگ زیادہ ہے لوگ ان کے آٹو گراف یا تصویر کے لیے منہ مانگا معاوضہ دیتے ہیں۔تو کرس ایونز کا معاوضہ بھی اس حوالے سے بھی کافی زیادہ ہے اور دو دن میں اسی طرح انہوں نے 5 لاکھ ڈالرز بھی کما لیے۔
دوسری جانب پاکستانی گلوکار شفقت امانت علی نے اڑی حملوں کی مذمت کرتے ہوئے کہا کہ میں اڑی حملے کی مذمت کرتا ہوں، باقی میں دوسروں کو نہیں جانتا، دونوں ممالک کے درمیان امن کی ضرورت ہے۔تفصیلات کے مطابق شفقت امانت علی اڑی حملے کی مذمت کرنے والے پہلے پاکستانی فنکار بن گئے ،شفقت امانت علی نے کہا کہ میں دہشت گرد حملوں کی مذمت کرتا ہوں چاہے وہ دنیا میں کہیں بھی ہو، کوئی بھی جنگ نہیں چاہتا کیونکہ سب اس کے نتائج جانتے ہیں، اگر ایک جانب سے فائرنگ ہوگی تو دوسری جانب سے اسی طرح جواب آتا ہے، جو ا آج کل ہورہا ہے۔کنٹرول لائن پر فائرنگ کے حوالے سے شفقت امانت علی کا کہنا تھا کہ میں پاکستان میں رہتا ہوں اور آپ بھارت میں رہتے ہیں لہذا آپ اپنی فوج کی حمایت کریں گے اور میں اپنی فوج کی حمایت کروں گا، ہم ہر طرف سے سرجیکل سٹرائیکس کے بارے میں سن رہے ہیں، لیکن ہم جانتے ہیں کہ یہ صرف سرحد پار فائرنگ ہے ، جو کنٹرول لائن پر ہوتی رہتی ہیشفقت امانت علی نے کہا کہ میرے خیال سے پاکستانی فنکار دھمکیوں کے خوف سے اڑی حملے کی مذمت نہیں کررہے، جہاں تک مجھے معلوم ہے، دہشت گردی کے خلاف پاکستانی فنکاروں کا مؤقف بھی ایک ہی ہے۔انکا مزید کہنا تھا کہ یہ وقت اس پر بحث کا نہیں کہ یہ سرجیکل اسٹرائیکس تھی یا سرحدپار فائرنگ بلکہ دونوں ممالک کو بیٹھ کر امن قائم کرنے کیلئے حل تلاش کرنا چاہئے۔یاد رہے کہ شفقت امانت علی نے بالی ووڈ فلموں میں متعدد گانے گائے ہیں، اڑی حملوں کے بعد پاک بھارت کشیدگی کے باعث شفقت امانت علی کا 30 ستمبر کو ہونے والا کنسرٹ منسوخ کردیا گیا تھا۔واضح رہے کہ ورلڈ ٹی 20 پاکستان اور بھارت میچ سے قبل پاکستانی گلوکار شفقت امان علی اور اداکار امیتابھ بچن نے اپنے اپنے ملک کے ترانہ پڑھے تھے شفقت امان علی نے قومی ترانہ غلط پڑھا ، جس کے بعد انکو قوم سے معافی مانگنی پڑھی۔

موضوعات:ہالی ووڈ