ممبئی (مانیٹرنگ ڈیسک) بالی ووڈ کی بے باک اداکارہ سروین چاولہ نے ہندو مذہب چھوڑ کر بدھ مت اختیار کرلیا۔ بالی ووڈ اداکارہ سروین چاولہ نے فلمی کیریئر کا آغاز 2011ءمیں فلم ہم تم شبانہ سے کیا تھا لیکن انہیں شہرت فلم ہیٹ سٹوری 2 سے حاصل ہوئی تھی، میڈیا رپورٹس کے مطابق سروین چاولہ نے ہندو مذہب چھوڑ کر بدھ مت اختیار کرلیا ہے جس کے بعد انہوں نے بدھ مت کی تعلیم بھی حاصل کرنا شروع کردی ہے اداکارہ کا کہنا ہے کہ ذہنی سکون کیلئے ہندو مذہب چھوڑ رہی ہوں جس کیلئے بدھ مت کی تعلیم حاصل کررہی ہوں ، تاہم مذہبی ہونے کے باوجود فلم نگری نہیں چھوڑونگی ۔ اداکارہ سروین نے پنجابی، تامل، تیلگو فلموں میں بھی اداکاری کے جوہر دکھائے ہیں۔