ممبئی(نیوز ڈیسک) بالی ووڈ فلم انڈسٹری ٹی وی سٹار پریتی یو شا بینرجی کی خودکشی کے صدمے سے باہر نہیں آئی تھی کہ سپر سٹار پریانکا چوپڑا کے سابقہ مینجر نے اداکارہ کے بارے میں حیران کن انکشافات کر کے پورے بھارت میں کھلبلی مچا دی۔پریانکا کے سابقہ مینجر پرکاش جاجو نے یہ تہلکہ خیز انکشافات سوشل میڈیا ویب سائٹ ٹوئٹر پر کی گئی متعدد ٹویٹس کے ذریعے کیے۔ انہوں نے کیا کہا، یہ ٹویٹس ملاحظہ فرمائیے”پریانکا چوپڑا اب بہت مضبوط نظرآسکتی ہیں لیکن اپنے مشکل ایام کے دوران وہ بہت کمزور تھیں۔ انھوں نے دو سے تین مرتبہ خودکشی کی کوشش کی لیکن میں نے انھیں کسی نہ کسی طرح روک لیا۔“”والدین کو اپنی بیٹیوں کو فلم اور ٹی وی انڈسٹری میں کام کیلئے ممبئی اکیلا نہیں بھیجنا چاہیے۔“”جب لڑکیاں ممبئی میں اکیلی رہتی ہیں تو شراب اور منشیات ان کی روزمرہ عادت بن جاتی ہے اور کوئی انھیں روکنے والا نہیں ہوتا۔“”جب اس نے میرا خیال نہیں رکھا تو میں ان باتوں کو کیوں چھپاؤں۔ پریانکا چوپڑا اور عاصم (پریانکا کے سابقہ بوائے فرینڈعاصم مرچنٹ) میں روزانہ جھگڑا ہوتا تھا، رات کے 2 بجے، 3 بجے مجھے فون کرتی اور میں اسے رات کے وقت عاصمکے گھر سے لے کر آتا، پھر اس کو سمجھابجھا کے اس کے گھر چھوڑ دیتا۔“”ایک بار میڈم(پریانکاچوپڑا) عاصم سے جھگڑا کر کے خود کشی کے لئے وسائی(ممبئی کا ایک علاقہ) پہنچ گئی، بڑی مشکل سے سمجھا بجھا کہ اسے واپس لایا۔“”پریانکا چوپڑا عاصم مرچنٹ کی ماں کے بہت قریب تھیں۔ 2002 ء میں ان کی وفات نے پریانکا کو اتنا صدمہ پہنچایا کہ اس نے فلیٹ کی کھڑکی سے چھلانگ لگا کر خودکشی کرنے کی کوشش کی۔ میں عین آخری لمحے پر پہنچا اور اسے پکڑا۔ اسے ایک کرسی سے باندھنا پڑا، حتیٰ کہ فلیٹ کی تمام کھڑکیوں پر گرل لگا دی گئی۔“پرکاش جاجو کے ان انکشافات نے بالی ووڈ میں ہنگامہ برپا کر دیا ہے، تاہم پریانکا چوپڑا کی طرف سے ان بیانات پر کوئی تبصرہ تاحال سامنے نہیں آیا۔ واضح رہے کہ پرکاش اور پریانکا میں اختلافات کے بعد پریانکا نے انھیں ملازمت سے فارغ کر دیا تھا۔ پریانکا کے والد کی طرف سے 2008 ء میں پرکاش کے خلاف قانونی چارہ جوئی بھی کی جا چکی۔