لاس اینجلس (نیوز ڈیسک)بالی ووڈ اداکارہ دپیکا پڈوکون کے لیے رواں سال بڑی کامیابیاں لیکر آیاہے ، مشہور اداکارہ دپیکا پڈکون ہالی ووڈ ہیرو ون ڈیزل کے بعد اب نامور اداکار بریڈ پٹ کے مدمقابل فلم میں جلوہ گر ہونگی۔بالی ووڈ میں بے شمار کامیابیاں سمیٹنے کے بعد دپیکا ہالی ووڈ میں بھی نامور اداکار ون ڈیزل کیساتھ فلم سیریز میں کام کر رہی ہیں ، معروف اداکارہ کی کامیابیوں کا سلسلہ تھما نہیں ، ون ڈیزل کے بعد اب اداکارہ ہالی ووڈ کے بڑے نام بریڈپٹ کیساتھ فلم میں نظر آئینگی۔ میڈیا رپورٹس کے مطابق دپیکا پڈوکون کو ہالی ووڈ کی فلم سیریز ٹرپل ایکس میں اداکار وین ڈیزل کے مدمقابل کام کے بعد اب نامور اداکار بریڈپٹ کے مدمقابل رومانوی اور کامیڈی فلم میں کردار کی پیشکش کی گئی ہے جس پر انہوں نے فلم میں کام کرنے کی حامی بھرلی ہے۔واضح رہے کہ اداکارہ دپیکا پڈوکون بالی وڈ میں متعدد کامیاب فلموں میں کام کرنے کے بعد اب ہالی وڈ میں بھی اپنی پہچان بنانے کیلئے پرامید ہیں۔