ممبئی(نیوز ڈیسک)بالی ووڈ اداکارہ کچھ عرصے پہلے تک اپنی شادی کی خبروں سے حوالے سے تنگ آگئیں تھیں لیکن اب ان کی شادی کی خبروں کے چرچے ایک بار پھر شروع ہوگئے ہیں جہاں انکا کہنا ہے کہ وہ اپنی شادی میں لی جانے والی تصویروں کو چیریٹی کے لیے نیلام کریں گی۔بھارتی میڈیا رپورٹس کے مطابق بالی ووڈ اداکارہ پریٹی زنٹا آج کل اپنی جلد ہونے والی شادی کے حوالے خبروں کی زینت بنی ہوئی ہیں انکا کہنا ہے کہ وہ اوران کے منگیترجین گڈ اونف اپنی شادی کی تصویروں کی نیلامی کریں گی اور اس معاملے میں ان کے منگیتر بھی ان کا بھرپور ساتھ دیں گے ۔انہوں نے مزید بتایا کہ ان تصاویر سے حاصل ہونے والی رقم وہ چیرٹی اداروں، بوڑھوں اور غریب بچوں کو دیں گی۔ واضح رہے کہ اس سے پہلے بھی معروف فلمی جوڑیاں اپنی شادی کو اس طریقے سے سپیشل بنا چکی ہیں ۔