ممبئی(نیوز ڈیسک) پریانکا چوپڑا آجکل انڈسٹری میں صرف کامیابیاں اپنے نام کرنے میں مصروف ہیں۔ انکا کا کہنا ہے کہ انھیں اپنی زندگی میں صرف بچوں کیلئے کسی مرد کی ضرورت ہے۔فلم فیئر میگزین کو انٹرویو دیتے ہوئے اداکارہ نے بتایا کہ انھیں بچے بہت پسند ہیں اور وہ شادی کے بعد بہت سارے بچے پیدا کرنے کی خواہشمند ہیں۔ علا وہ ازیں وہ اس حقیقت سے بھی بخوبی واقف ہیں کہ ہمارا معاشرہ شادی کے بنا پیدا ہونے والے بچوں کو کس حیثیت سے جانتے ہیں لہٰذا انھیں اپنی زندگی میں شریک سفر کی ضرورت صرف بچوں کے حصول تک کیلئے ہے۔ اداکارہ کا کہناتھا کہ انھیں ہیرے بھی بے حد پسند ہیں لیکن انھیں ہیرے حاصل کرنے کیلئے کسی مرد کی کو ئی ضرورت نہیں ہے کیونکہ وہ خود اپنی پسند کے مطابق ہر چیز خریدنے کی سکت رکھتی ہیں۔زندگی میں محبت کے حوالے سے پوچھے گئے سوال کے جواب میں انکا کہنا تھا کہ محبت کی انکی زندگی میں خاص جگہ ہے۔ ان کی زندگی میں صرف وہی شخص جگہ حاصل کر سکتا جو ان سے سچی محبت کرتا ہو کیونکہ انھیں دھوکہ دہی پسند نہیں۔ انھوں نے بتایا کہ اگر کبھی انکے جیون ساتھی نے انکے ساتھ دھوکہ کرنے کی کو شش کی تو اسے سبق سکھانے میں دیر نہیں کریں گی۔سابق حسینہ عالم کا کہنا تھا کہ وہ محبت کے رشتے میں جھوٹ اور فریب پر یقین نہیں رکھتیں۔ واضح رہے اداکارہ آجکل اپنی امریکی ٹیلی ویڑن سیریز کوانٹکو کی شوٹنگ میں مصروف ہیں۔ دوسری جانب بولی ووڈ میں 33سالہ اداکارہ جلد پرکاش جاہ کی فلم ”گنگا جل“ میں اداکاری کے جوہر دکھاتی نظر آئیں گی۔