لاہور (نیوزڈیسک)ڈالر اسمگلنگ اور منی لانڈرنگ کے مقدمے میں پھنسی ماڈل ایان علی کی مشکلات کم ہونے کے بجائے بڑھ رہی ہیں ۔ تشہیری کمپنیوں نے معاہدے ختم کرنے کی دھمکی دیدی ہے۔ ایان علی کی جمع پونجی کے بعد کمائی بھی خطرے میں پڑ گئی ۔ کل تک ناز نخرے اٹھانے والی ایڈورٹائزنگ ایجنسیز سپر ماڈل کو آنکھیں دکھانے لگیں۔۔ غیر ملکی تشہیری کمپنیوں نے ایان کو وارننگ دی کہ معاہدے کے مطابق ماڈلنگ نہ کی تو تنسیخ کی چھری چل جائے گی ۔ مشکل پر مشکل یہ کہ ایڈوانس کی رقم بھی واپس کرنا پڑے گی ۔ کسٹمز حکام نے اسمگلر حسینہ کی لاہور ہائیکورٹ میں بریت درخواست کی بھرپور مخالفت اور فرد جرم لگانے کی کوششیں تیز کردیں ۔ پاسپورٹ حوالگی کی درخواست بھی منظور ہوتی نظر نہیں آتی ۔ ایان کا باہر جا کر ماڈلنگ کرنا نا ممکن لگتا ہے ۔ عدالت نے اسے فرد جرم کے لئے 19 نومبر کو طلب کر رکھا ہے۔