ممبئی(نیوز ڈیسک) بالی ووڈ کے دبنگ سلمان خان کا کہنا ہے کہ فلموں میں کسی بھی اداکار کو معاوضہ اس کی مقبولیت کے حساب سے ملنا چاہیئے۔اپنے ایک انٹرویو کے دوران سلمان خان کا کہنا تھا کہ وہ مانتے ہیں کہ بالی ووڈ میں اداکاراو¿ں کو بھی اداکار کے برابر معاوضہ دیا جانا چاہیے لیکن بشرطیکہ وہ فلمساز کو منافع کما کردیں کیونکہ ایک آرٹسٹ کی فیس کا انحصار اس کی مقبولیت پر ہے۔ اگر فلم پروڈیوسر کسی اداکار کے نام سے پیسہ کما سکتے ہیں تو انھیں اس کا معاوضہ بڑھانے میں بھی کوئی تکلیف نہیں ہوگی۔
واضح رہے کہ بھارتی فلمی صنعت میں اداکاروں کے مقابلے اداکاراو¿ں کو ملنے والے کم معاوضے پر اکثر بحث ہوتی ہے، کنگنا رناوت تو بالی ووڈ کے خانز کے ساتھ اس لئے کام ہی نہیں کرتیں کیونکہ وہ مانتی ہیں کہ انہیں اداکاروں سے زیادہ پیسے نہ سہی کم سے کم برابر کا معاوضہ تو ملیں۔