ممبئی(نیوز ڈیسک)اداکارہ سنی لیون کو بھارت میں فحاشی کی وجہ قرار دیئے جانے کیخلاف اداکارہ شلپا شیٹھی بھی سنی لیون کی حمایت میں میدان میں کود پڑیں۔ رپورٹ کے مطابق خواتین کے ملبوسات کی نمائش کے موقع پر میڈیا سے گفتگو کرتے ہوئے شلپا شیٹھی نے کمیونسٹ پارٹی آف انڈیا کے رہنما اتل کمار انجان کے سنی لیون کے کنڈوم کو جنسی بے راہ روی قرار دیئے جانے کے تبصرے کو لغو اور احمقانہ قرار دیا۔اداکارہ نے کہاکہ اس طرح کے واقعات ہر جگہ رونما ہوتے ہیں۔ہر جگہ تنازعات ہوتے ہیں اور یہ واقعی احمقانہ بات ہے کہ آپ اس کو بہت زیادہ اہمیت دیں۔انہوں نے کہاکہ ہاتھ کی پانچوں انگلیاں برابر نہیں ہوتیں۔میرا خیال ہے کہ بھارت میں خواتین کے ساتھ جنسی زیادتی کے واقعات میں حد درجہ اضافہ ہوچکاہے لیکن اس کا ذمہ دار صرف سنی لیون کو نہیں ٹھہرایا جاسکتا ، اس کیلئے ہم سب ذمہ دار ہیں۔سنی کا کہنا تھا کہ مجھے یہ کہنے میں کوئی جھجک محسوس نہیں ہوتی کہ بھارت اس وقت پوری دنیا کیلئے باعث ننگ بن چکاہے