ہالی وڈ(نیوز ڈیسک)آسٹریلیا سمیت دنیا کے کئی ممالک میں مشہور و معروف ہالی وڈ فلم اسٹار وارز سیریز کی نئی فلم ’دی فورس اویکنینز‘ کے کرداروں کی شکل میں کھلونوں کی نمائش شروع ہو گئی ہے۔ والٹ ڈزنی پروڈکشنز اسٹار وارز سلسلے کی ساتویں فلم ’دی فورس اویکنز‘ کے پروموشن کے لیے نئے اور انوکھے پروگرامز کا انعقاد کر رہی ہے۔ امریکا، برازیل، جاپان اور آسٹریلیا سمیت دنیا کے 12ممالک میں اس فلم کے کردار کھلونوں کی شکل میں نمائش کے لیے پیش کیے جا رہے ہیں۔ نیویارک، سین فرانسسکو، ریوڈی جنیرو اور ٹوکیو سمیت کئی شہروں کے اسٹورز میں اپنے پسندیدہ کرداروں کے کھلونے خریدنے کے لیے اسٹار وارز کے دیوانوں کی قطاریں لگ گئیں ہیں۔ 18گھنٹے تک آن لائن نمائش کے بعد فلم کے کرداروں پر مبنی کھلونے، کومک بکس اور ملبوسات اسٹورز پر فروخت کے لیے پیش کیے جا رہے ہیں۔ دیوہیکل آڑن طشتریاں، انوکھے جہاز اور دیوقامت روبوٹس پر مبنی اسٹار وارز سلسلے کی ساتویں فلم ’دی فورس اویکنز‘ 18دسمبر کو سینما میں عام نمائش کے لیے پیش کی جائے گی۔