بالی وڈ(نیو ز ڈیسک)بالی وڈ میں ریتک روشن اور سونم کپور پر فلمایا گیا 1990کی بلاک بسٹر فلم کا سپر ہٹ گانا ’دھیرے دھیرے‘ کے ریمیک کی ویڈیو ریلیز کردی گئی ہے۔ 90کی دہائی کی بلاک بسٹر بالی وڈ فلم ’عاشقی‘ کی ریلیز کو 25برس مکمل ہوگئے، لیکن ا?ج بھی اس کے مسحور کن گانے مداحوں کے کانوں میں رس گھول دیتے ہیں۔ اسی مناسبت سے راہول رائے اور انو اگروال پر فلمائے گئے، عاشقی فلم کے سپر ہٹ رومانٹک سونگ ’دھیرے دھیرے‘ کے ریمیک کی ویڈیو جاری کر دی گئی ہے، جس میں ریتک روشن اور سونم کپور رومانس کرتے دِکھائی دے رہے ہیں۔ اٹلی میں فلمائے گئے اس گیت کو نامور بھارتی سنگر یو یو ہنی سنگھ کی آواز میں ریکارڈ کیا گیا ہے، جبکہ ویڈیو کی تیاری مشہور کوریو گرافر احمد خان نے کی ہے۔ دھیرے دھیرے کے اس نئے ورڑن کو مداحوں کی جانب سے بے حد پسند کیا جارہا ہے، جبکہ ریتک اور سونم کی جوری کو بھی بڑے پردے پر سراہا جا رہا ہے۔