نئی دہلی(نیوزڈیسک)بالی ووڈ اداکارہ ہیما مالنی نے راجستھان ٹریفک حادثے کا ذمےدارحادثے میں ہلاک بچی کے والد کو ٹہرا دیا ۔بھارتیہ جنتا پارٹی کی رہنما ہیما مالنی کا کہنا ہے کہ بچی کے والد نےٹریفک قوانین کی پابندی نہیں کی ،جس کی وجہ سے حادثہ پیش آیا۔ سوشل میڈیا پر حادثے پر تبصرہ کرتے ہوئے 67 سالہ ادکارہ کاکہنا تھا کہ انہیں حادثے میں 2 سالہ بچی کی موت کا افسوس ہے ۔اگر بچی کا والد ٹریفک قوانین کی پابندی کرتا تو ایک ننھی جان ضائع نہیں ہوتی،ہیما مالنی تین جولائی کو ریاست راجھستان کے علاقے دوسہ میں پیش آنےوالے ٹریفک حادثے میں زخمی ہو گئی تھیں۔پولیس کے مطابق ہیما مالنی کی گاڑی غلط سمت سے آنے والی ایک گاڑی سے ٹکرا گئی تھی ۔حادثے میں 4 افراد بھی زخمی ہوئے تھے۔